![](https://i0.wp.com/happymediapro.com/wp-content/uploads/2024/05/1.溫碧霞_謊島美人魚電影海報_法國街頭.jpg?resize=200%2C300&ssl=1)
(2024年5月22日 – 香港) 溫碧霞(Irene)早前飛到法國出席康城影展,宣傳其主演的電影《謊島美人魚》。完成一連串工作後,Irene逗留在當地到處遊覽、購物和品嚐美食,並專程到各景點、海邊和餐廳打卡影靚相,駐顏有術的Irene露出白滑香肩和美腿,充滿仙氣。Irene更在法國店舖驚喜遇見《謊島美人魚》的電影海報,第一時間上前合照留念。
Irene這次法國之行除了認識鄭保瑞導演,更結識了多位國際製作人,令她開心不已,她表示:「我好欣賞鄭保瑞導演,睇咗佢嘅電影《智齒》、《命案》、《九龍城寨之圍城》。佢拍得好好,好希望有機會同佢合作。今次我都識咗幾個荷里活、泰國同外國製作人,佢哋啱啱籌備緊一套動作電影,有個角色想搵我演出,呢部戲係荷里活同泰國合作,不過係初步傾,依家睇緊劇本。」
在當地的最後一日,Irene爭取時間瘋狂shopping,她興奮表示:「法國啲嘢真係好靚,我一向好鍾意佢哋本地設計師,買咗好多靚衫,好開心。」遊玩至昨日才回港。