《衛蘭 OUT OF FRAME 世界巡迴演唱會》香港站第三埸演出昨晚(17日)於紅館圓滿完成,全場爆滿,座無虛席,衛詩、湯令山、炎明熹、曾比特、陳凱詠、Mic @ Zpecial、黃洛妍、林欣彤、糖妹、蔡潔、丁子朗、樂易玲、陳少琪均有現身支持。
因為坐較高位置的觀眾也有機會和Janice近距離接觸,「環場360」成為了每晚大家最期待的環節,Janice 站在那個高空移動裝置先唱出「一場誤會」」,接着是「十個他不如你一個」,然後唱「在月台上等你」時,在觀眾席的炎明熹和她遠距離對唱,兩位同屬靚聲的女歌手為這首歌注入了新生命,「就算世界無童話」的現場大合唱也令大家再三回味。


換了另一套服裝的 Janice 重回舞台上,此時樂隊奏起《一生愛你一個》的音樂,在她唱了頭一段後,原唱鄭伊健也出現在台上和 Janice 合唱,全場即時尖叫聲不斷。唱罷此曲後,伊健多謝Janice 邀請他來唱《一生愛你一個》,她回應說:「呢首歌講真係我好深刻嘅 Childhood Memory,因為TVB 成日都播呢個 MV。」伊健:「都拍得幾好。今晚我上嚟唱呢首歌我有個諗法,我其實係想俾晒妳唱。因為我同唱片監製講呢隻歌都已經好多年,大家都聽咗好耐,即係由細聽到大,但係我覺得呢首歌如果有一個女歌手可以唱到有愛嘅感覺,我就會諗起Janice 妳,其實我係想成隻歌由妳唱俾我聽,可唔可以再嚟多次?大家係咪話好呀?」「我幫你兜返,因為妳中文唔好,下次有機會嘅。」Janice :「我鍾意你啲電影。」伊健:「你有睇過我嘅廣東話電影,妳睇得明?總之好開心,妳邀請我嘅時候我真係諗妳會點樣唱呢首歌?亦都好多謝妳唱呢首歌嗰陣唱咗嗰種感覺出嚟。」Janice :「希望下次有機會唱呢首歌係唱我嘅Key,咁可能我會唱得再更加好。」Janice 問伊健是否一個很《I》的人,伊健回應說:「妳都係喎,妳有冇發覺成個台都《I》晒?好似好靜咁,不如我哋炒返興佢,我覺得我哋既然係《I》人,我哋唔唱啲《I〉嘅嘢,我哋唱啲大家可以一齊做嘅嘢,好唔好?喺邊邊開始好?我哋不如就唱呢首歌,大家識唱嘅話就跟住一齊唱,Together。」Janice 在舞台上陪伴伊健完成這首《Together 》,她更參與了此曲的和唱部份。最後Janice 以一曲《雜技》為第三晚演唱會畫上完美句號。


今次《衛蘭 OUT OF FRAME 世界巡迴演唱會》香港站共分為 7 部份,在台上Janice 並非孤身一人,有舞蹈員、銅管樂手、弦樂手,台上台下的歌手嘉賓、80人的合唱團,以及全場觀眾陪伴著她,大家的陪伴令她感到安心,亦讓Janice 可以毫無保留將心中的那份感覺和大家分享。