歌手小肥到新城廣播接受葉文輝（啤梨）主持的《卡拉O！BABE》節目訪問，小肥和啤梨相識多年，兩人在訪問中無所不談，提到小肥入行18年，啤梨問小肥的歌手生涯有那三樣大事件最難忘？小肥直言是首個個人澳門演唱會。
小肥透露：「呢個演唱會喺澳門搞，因為場地夠大，一場就可以搞掂，但因為演唱會前日日綵排，突然唔使做，後遺症就嚟，成個人勁失落。」不過小肥解釋不是每個演唱會都有這個情況，更大爆有一年的演唱會並不享受，反而有「捱」的心態，他說：「就係2022年嘅演唱會，似係一個任務多啲，嗰次同陳輝陽合作，佢比較嚴格，我要從新學唱歌，攞住一批『新武器』上戰場上，但一嚟就戰場，新武器對我嚟講完全唔熟悉，所以對我嚟講有少少捱嘅心態。」
雖然不是小肥最熟悉的「武器」，但他表示每次挑戰成功，連他自己都覺得「學到嘢」，小肥表示：「連我最熟悉嘅唱歌都唔熟悉，但每次過完，原來我得，『升咗呢』。」所以，歌手生涯最重要的三件事，都是關於演唱會。
另外，小肥去年演唱會上一次過唱晒所有新歌，之後才慢慢派台，至今仍未派完，但其中一首由J.Arie作給他的歌《迫池》，則於近日推出，小肥興奮表示：「呢首係一首跳唱歌，嚟緊宣傳，我哋有個Dance challenge，我都諗住搵你拍，幫我跳。」啤梨聞言大笑謂：「搵我出山就啱喇，順便睇吓有冇腰骨痛先。」
詳細節目內容，請重溫5月30日，晚上6-７時，新城知訊台《卡拉O！BABE》節目，網址：https://www.metroradio.com.hk/MetroInfo/