李幸倪（Gin Lee）日前到新城廣播接受知訊台台長程凱欣、麥卓華主持的《原來生活好快樂》訪問宣傳新歌《新牌仔》，適逢本月26日是Gin Lee的37歲生日，程凱欣特別送上蛋糕為她提早慶生，而《勁爆樂勢力》主持黎莉、《QK玉瑛室》主持譚玉瑛、何基佑、麥皓兒齊齊與壽星女慶祝及影合照，場面開心又熱鬧。
被蒙在鼓裡的Gin Lee看到程凱欣捧來生日蛋糕表現相當驚喜，她感動表示：「好sweet呀！」之後她合上眼許願：「祝大家都身體健康，希望喺下年呢個時候，我已經開緊紅館騷。」事後Gin Lee表示：「估唔到喺工作當中感受呢種甜，其實要畀驚喜我有啲難，因為我太醒喇，好易察覺大家有嘢，但頭先就完全冇察覺。」
