陳柏宇打高爾夫球當休息
歌手陳柏宇（Jason）日前到新城廣播接受《梨事會》主持葉文輝（啤梨）的訪問，宣傳新歌《唞》，身為兩女之父的Jason工作繁忙，回家又要幫忙照顧女兒，問他可有me time？Jason表示：「我打高爾夫球已經係休息，打咗都有10年，有時做gym、開車、大便，甚至個女瞓咗都有me time。」
出道18年的Jason曾參與各大小類型的演出，雖然歌藝了得，但原來Jason每次上台都十分緊張，令啤梨相當驚訝：「吓？咁耐以嚟你咩騷都做過，都仲緊張？」Jason表示：「係呀，大大小小嘅場都會緊張，可能當時有幾場騷，第一場緊張頭7、8首歌，第二日緊張3、4首歌，第三日1、2首歌就得。」
Jason指緊張的時候會心跳加速，亦會影響個人從容程度，啤梨問他是否最緊張影響演出質素？他指：「呢個係其次，係唔知唱歌時隻手放喺邊，好多嘢要顧，綵排時我從來唔會諗我自己要做乜，只需要理把聲唱得好唔好。（係咪有偶包？）唔關事，係表演肢體方面，我好想望住個地下唱歌，好想鍾意點行就點行。」