(2024年5月22日 – 香港) 歌手陳曉東（東東）日前到新城廣播接受《QK玉瑛室》主持譚玉瑛、何基佑、黃筠兒訪問，東東在節目中透露兩名女兒會聽自己的歌曲，並視他為偶像，東東笑言：「梗係我啦，依家仲係我，佢哋好黐爸爸。」
東東近日推出新歌《蒼鷹與少年》，並自學AI親自剪輯MV，他直言喜歡接觸新事物，包括新科技和新音樂，他個人就最愛電子音樂，「我有個夢想，好想成隻EP或唱片可以翻天覆地，同過往完全唔同。」
將於8月假廣州舉行巡迴演唱會的東東，透露已開始積極備戰，除了戒掉碳水化合物，亦會增加運動量，東東表示：「我會畀自己進入一個運動員的排練方式，跟舞蹈老師講，一個禮拜跳3次，每次3個鐘，自己亦會做Gym舉吓重，同埋開始戒碳水化合物，以前可以食2、3碗飯，依家最多食兩啖。」
東東近年全家移居北京，他指當初爸爸返回上海居住，自己又經常中港台四圍飛，為了方便探望爸爸和工作，故決定定居北京，東東又爆料說：「我爸爸嗰啲朋友當時話『你嗰仔係歌星，叫佢買層樓畀你吖嘛』，當時浦西啱啱開發，個樓盤搵咗梁朝偉拍廣告，咁啱我爸爸睇中咗嗰度，佢啲朋友笑我，『你啲錢畀晒梁朝偉喎，佢未拍廣告之前九千蚊，佢拍完廣告變咗萬四，你都肯買，你都好孝順』，喺到恥笑我，不過兩個月之後佢哋同我躹躬，因為層樓漲咗價。」
詳細精彩節目內容，請重溫5月17日，下午3-4時，新城知訊台《QK玉瑛室》節目，收聽網址：https://www.metroradio.com.hk/MetroInfo/
