事隔半年，唱作歌手章尾而（Jamiez）再推出新歌單曲《DONT WANNA BE LIKE ME》。
新歌挑戰Trap Soul 的曲風，與她以前的 R&B 及 New Soul 曲風節然不同，網民更大讚新歌「好洗腦」。
新歌《DONT WANNA BE LIKE ME》是以反諷的方式從而帶出主題－容貌焦慮。章尾而分享創作靈感，原來一切都是她第一身經歷：「大約五年前，因為工作關係同自己俾自己嘅要求，為咗追求好睇身型開始用自己方法節食，最後反而演變為暴食狀態，因為太肚餓食太多嘢。直到有一次因為食太多所以嘔，嗰一刻我照鏡爆喊，覺得自己可悲，經過一番掙扎後終於醒覺知道再咁落去會變成病態。」
章尾而歌曲內容是想鼓勵身邊朋友愛自己。章尾而在新歌製作過程當中身兼多職，曲、詞、監、MV中的 Styling 及 Custom made 都是她一手包辦。問到有關在拍攝過程當中最難忘的事情，她透露：「其實MV喺早兩個月已經拍好咗，但因為突發情況所以要刪減所有相關片段重新再拍。最後在最短的時間內，用了兩天親手製作了一條拍MV 用的玫瑰花連身裙。自己都好鍾意套衫，因為成條裙都係玫瑰花，覺得好浪漫。」章尾而透露推出新歌之後的計劃就是邁向開首個個人演唱會，並希望邀請位多歌手朋友。