TVB女星阮兒(Chloe),形象指導許嘉浩(Karl Hui),《中年好聲音3》歌手曹越結伴出席越南家傳戶曉古老驚悚傳說的電影《魅魍：血魔》香港首映禮 。三人表示平時也會入戲院睇恐怖片,笑言又要驚又要睇。Chloe話: 「今日Karl約哂全女班嚟睇,感覺好特別。要壯壯膽,有咩事會捉實佢呢個男丁。作為演員當然咩嘢題材嘅戲都要睇都要參考下。平時拍劇收工後有時間最鍾意去睇戲,當上堂睇下人哋點演唔同角色。」她繼說自己有越南血統:「我爸爸係越南Mix荷蘭人,媽媽就係香港人。有越南血統嘅我咁大個第一次睇越南戲! 第一次見咁多越南傳統習俗同古早服飾,戲入面嘅歷史景色份外有種親切感。入面驅惡魔的情節令我諗起早前曾與鄭嘉穎、陳凱琳合作的電視劇《殭》。」最近忙於密密拍攝TVB熱播全新處境劇《愛‧回家之三代同糖》的Chloe剛剛收工趕到現場: 「好鍾意充實嘅拍攝Schedule。基本上周日周未都有開廠景同外景,SitCom晨早開工夜晚收工好Regular。夜晚收工我仲有安排咗上WorkShop進修Drama, 準備有機會挑戰更多新角色。」剛播出的一集中戲中飾演吳若希公關公司秘書Ada一角的她被讚演技比以前成熟: 「之前首輯《愛‧回家》有份演出高秀蘋(Pinky)一角巳經是十多年的事。今次好開心返嚟《愛‧回家》家庭嘅新單元。密密拍攝稿都會多,之前同上師吳若希的對手戲中都多謝Jinny助我記稿入戲,佢做女主角要兼顧好多嘢都好唔容易。」被問到有網民對新一輯《愛·回家》提出負評,更表示之前《愛·回家之開心速遞》比較好睇。Chloe也表示明白觀眾同自己一樣之前看慣了上一輯近十年的長時間,需要一點時間適應及投入。更表明有信心之後劇情及出場的新角色開始越來越豐富,呼籲觀眾要密切留意。
形象指導-許嘉浩(Karl Hui)早前有去越南拍攝旅遊節目,喜歡吃越南地道河粉的他表示不論在酒店晨早的早餐或晚上到街頭地道小店吃宵夜都可以吃五、六碗熱湯越南河。提到在節目中有跨國《女神配對計劃》的情節, Karl透露在越南拍攝期間日見百名越南單身美女並教授她們在求愛配對前的化妝及扮靚技巧: 「越南女仔大多輪廓深,掌握好眼妝及立體妝感輪廓出嚟會好靚。佢哋細個開始習慣自己用風筒吹直髮曲髮,唔似香港女仔好識用捲髮棒。今次我都帶咗兩大個行李箱嘅捲髮棒同香港化妝好物當做見面禮,令佢哋非常驚喜。」Karl更說越南跨國配對計劃節目將會選出十強女神於十月飛來香港與香港男生配對及體驗香港地道生活,節目橋段新穎。Karl更透露最近忙於拍攝節目,接了兩個新的網絡節目擔任主持,一個是音樂節目另一個是新式時尚訪談節目,令人期待。
而同場的《中年好聲音3》歌手曹越最近跟TVB另外兩位歌手朋友劉曉昆與陳俞霏推出了全新合唱歌《午夜Ring Ring》, 歌曲以愛情詐騙為主題,她自己亦有參與填詞。更開心表示今次三個可愛的女人一齊談心事、創作歌曲、排舞、拍MV尤如回春到校園一齊輕鬆做新Project一樣。
