龔嘉欣（Katy）早前於《萬千星輝頒獎典禮2024》憑《企業強人》「方芳」一角首奪「最佳女主角」獎，升呢「出爐視后」。龔嘉欣的好演技毋庸置疑，獲獎後工作接踵而來，忙過不停。近日就首次夥拍同樣以企業「女」強人見稱的帶貨女王ViVi，於其平台Mixx Collection合作直播帶貨，介紹法國星級護膚品兼分享自己的扮靚心得。
龔嘉欣之前已有不少直播經驗，因此合作當晚非常開心順利，高峰時段更破6,000人收看大關，勁送禮品和優惠。 ViVi大讚：「嘉欣好專業呀，事前將護膚品俾佢試，佢真係試哂同share返我地聽邊隻好用同點樣好用。」她更驚嘆龔嘉欣真人好瘦，但明明愛吃甜品蛋糕又因拍劇常常捱夜，皮膚卻仍超級好及零毛孔，因此急忙問她有何護膚心得。
「我以前好誇張，好懶又唔識護膚㗎，一個月先用一次面膜，Facial都兩年先做一次。但發覺30歲後真係唔得……一定要日日敷Mask，同埋我好鍾意夜晚臨瞓搽好厚面霜，第二日覺得好吸收好補水！」龔嘉欣分享道。至於身形keep fit她就歸功於自己有經常去健身。
對於今次獲獎成為視后，龔嘉欣再次感恩表示：「自己真係冇諗過，入到五強已經好開心，好多謝每一位投票俾我嘅朋友同觀眾，同埋身邊真係好多人好錫好錫我！」ViVi好欣賞龔嘉欣的勤力，十分羨慕她熟讀劇本與對白的能力，當問及如何做到，龔嘉欣坦言自己好怕NG，因不想耽誤到別人，所以都是靠勉勵自己要「做好啲」而已，她笑指ViVi也已是「直播界視后」，一樣厲害，轉數極快的對答反應令現場氣氛十分愉快。