羅家英與粵劇才女謝曉瑩日前接受新城知訊台《原來生活好快樂》錄音節目主持程凱欣和麥卓華訪問，宣傳兩人合唱的中華文化節新編粵劇《馬湘蘭》主題曲《金陵幽蘭》，訪問已於8月26日播出。
謝曉瑩透露家英哥是她和丈夫高潤鴻的「媒人」，雙方相識多年，故邀請家英哥合唱時，對方即爽快答應，「搵家英哥合唱，因為佢係電影明星，又係我哋粵劇前輩，而呢首歌一半係流行曲，一半係粵曲。」家英哥則表示一直好支持新想法及新人。
程凱欣大讚《金陵幽蘭》MV好看，謝曉瑩直言是導演功勞，家英哥表示：「導演好有心思，佢睇咗個劇本再創作呢個MV，佢要求我戴頂帽，拍嘅時候佢叫我除低頂帽，一路企喺著唱，曉瑩就喺另一個角落，個鏡頭一路影，佢一路行過嚟，好似由呢個時空，去到另一個時空同我見到面，但冇接觸嘅，有一種無可奈何，好依戀嘅感覺，係導演一種浪漫嘅情懷。」
詳細節目內容，請重溫8月26日，早上9-10時，新城知訊台《原來生活好快樂》「自主人生」環節，網址：https://www.metroradio.com.hk/MetroInfo/
.羅家英、謝曉瑩接受程凱欣及麥卓華訪問