(2024年7月12日 – 香港) 藝人羅毓儀(Yuki)今日(12日) 接受新城廣播知訊台《原來生活好快樂》節目「快樂紅人」主持麥卓華(小麥)的訪問,演而優則唱的Yuki,小時候已熱愛夾Band彈電結他及四出表演,問她最愛音樂還是演戲?Yuki表示:「好難答,演戲我係手到拿來,但唱歌經驗尚淺,所以都幾有壓力。」
![](https://i0.wp.com/happymediapro.com/wp-content/uploads/2024/07/img_6962-1.jpg?resize=640%2C503&ssl=1)
近日Yuki推出新歌《日落時》,歌詞帶出成長過程每分每秒都在面對改變,希望大家面對改變時,可以用積極態度,珍惜當下。「我嘅NBTI 16型人格係I行先,獨處時可以好自己,同時又係好慢熱內向,初入行時一入到化粧間就心跳好快,個心好亂,用咗兩、三年時間先開始習慣。」
Yuki在處境劇《愛.回家之開心速遞》中飾演「路小小」,她直言很喜歡這個角色,「呢個角色好得意,我好鍾意睇討論區啲人講咩,前期啲人唔鍾意我呢個角色,覺得佢搞呢搞路,又拜金又港女,但慢慢都有啲正評,覺得衰得嚟又搞笑,一睇呢啲回應就好有成功感,所以都幾開心。」
![](https://i0.wp.com/happymediapro.com/wp-content/uploads/2024/07/img_6961-1.jpg?resize=640%2C510&ssl=1)
而在劇集《神耆小子》中演繹鄭則仕孫女「金多多」的Yuki,面對老前輩對手毫不怯場,反而可以開心從鄭則仕身上偷師,「我哋成套劇演員好似一家人咁,拍得好開心。(鄭則仕對你哋會唔會好惡?)佢對演戲好有要求,見我哋做得唔好佢會有少少火,但都冇乜嘢,同埋佢唔介意演員NG,佢話冇演員係唔NG,派咗定心丸畀我哋,唔會覺得NG有好大影響。」
詳細節目內容,請留意7月12日,早上9-10時,新城知訊台《原來生活好快樂》「自主人生」環節,網址:https://www.metroradio.com.hk/MetroInfo/