(2024 年 4 月 20 日-香港) 葉子楣(Amy) 今日(20 日)接受新城《開心大派對》主持薛家燕、思敏及范振鋒訪問，家燕姐問到 Amy 當年是否墮入愛河受到男友反對而毅然引退？Amy 坦言：「男人係咁自私，而且當年最高峰連拍 13 部戲，都想俾自己休息一下，試過一日趕幾組戲，冇得瞓覺。」阿范即笑言好羡慕拍戲拍到冇得瞓。家燕姐則讚 Amy 天生尤物，依然保持 21 吋腰，並問秘訣？Amy 即大方公開保持身材秘方：「唔好食煎炸及鹹嘢，如果戒埋甜品仲瘦，甜品對皮膚唔好，不過我好鍾意食甜，會食少少，同埋一定要運動，食物 7 分，運動３分。」
Amy 並謂當年退出好享受不用化妝、影相，又可以慢活，但復出後再重見大家，又覺得好開心，對於她復出後網民評語，她表示無論如何都會有批評或讚賞，但她不會理會，並有一套應付惡意批評的方法，就是要消化惡意批評。不過阿范就安撫她大部份留意都是支持 Amy。
家燕姐再談到 Amy 當年曾做歌手出唱片，Amy 即謂當年不單止在香港出唱片，更到台灣發展推出唱片，更在台灣演出過百場音樂會，她有點歎謂：「但認識醫生男友之後，佢唔俾我，之後推咗好多。」家燕姐問她是否愛情至上的人？Amy 即說：「做人唔好向後望，應向前望，會更加好，單身咗咁多年，已經習慣咗，桃花就多，真正姻緣好難搵到，條件最緊要眼緣及鍚自己。」家燕姐再談到 Amy 當年性感女星形象相當成功，堅守不露點，Amy 即說：「當年走性感路線完全係順其自然，講明不應酬、不食飯，就算去台灣發展，簽合約，也寫明性感不露點，不食應酬飯。」
詳細精彩內容，請重溫 4 月 20 日，下午 2-4 時，新城知訊台《開心大派對》節目 ，重溫網
址：https://www.metroradio.com.hk/MetroInfo/