馬來西亞歌手張與辰（Vic）接受新城《國語力》主持T.MAX（海淦清）錄音訪問，Vic唔止唱得，更是音樂創作人，曾為MIRROR人氣王姜濤創作歌曲《愛情簽證申請》及孫漢霖的《藍顏知己》，與本地歌手有不少合作。
早年轉戰幕後的Vic，最近正式重返樂壇，繼續以唱作歌手身份推出國語新歌《誤入歧途》，成功打入《新城國語力排行榜》，他開心表示：「自己近年不停創作歌曲，唔記得原來自己都識唱歌，同埋首歌同以往作品唔同，還掂咁耐冇出，不如自己唱返，等大家知道我仲唱緊歌。」
提到《誤入歧途》MV，T.MAX直言被個MV嚇親，以為在看鬼故，他說：「MV最後一幕個盒裡有幾隻手指，嚇到我儍。」Vic解釋謂：「寫完首歌之後，我腦海中都希望兩個MV主角，其中一方要離開呢個世界，想帶出愛一個人除咗需要擁有你，亦唔可以冇咗你，惟有將你收嚟做紀念品。」
詳細精彩內容，請留意4月27日，晚上7-10時，新城知訊台《國語力》節目，收聽網址：https://www.metroradio.com.hk/MetroInfo