姚焯菲（Chantel）與呂慧儀今日在藍田出席母親節活動。Chantel將離港到新西蘭繼續讀書，她指會到街市買餸與媽媽預祝母親節，自言廚藝不俗，要親手為媽媽煮飯，並言：「我好希望回新西蘭之前可以煮一餐好餸畀媽咪食，我知到媽咪佢好鍾意食西蘭花同帶子，到時我會到街市親自買餸，好記得以前我細個嘅時候，我有同過工人姐姐去街市買餸，咁所以唔會覺得陌生。到時候買完餸之後，我係會親手下廚去煮，唔係話炒埋一碟就算，我係會認真咁去煮，加上有向嫲嫲偷師學煮餸，相信煮咗出嚟一定會好好味。」
呂慧儀指現在慶祝母親節講求實際，過往曾夢想兒子買花送給他，雖然也是她付錢，但也開心兒子意，但現在情願兒子送西蘭花，可以用來煮餸，母親節會與屋企人在家食飯慶祝，她說：「蟹籽眨吓眼已經10歲，變咗個小男人，已經少咗錫我，有啲唔捨得佢長大，不過佢都好窩心，有一次見到有座樓好靚，話大過買畀我。」問到Chantel長大後可會買樓孝敬父母？她說：「大個儲夠錢都會買樓送畀父母，不過，父母都唔想搬屋，佢哋太鍾意依家住緊嘅地方，自己大個都想有物業，係其中一個目標，最好喺父母附近。」
