唱作歌手章尾而（Jaimez）繼去年開設音樂公司繼續創作之外，Jamiez 對衣服的創作及藝術設計都有一番心得。日前Jamiez 跟朋友藝術工作室 「Somnus 」合作並在南豐紗廠市集首次「擺檔」，再次成為「老闆」。
Jaimez 第一次參與市集活動，感覺學到新技能，為了市集不眠不休，她說:「本身都有想『擺市集』嘅念頭，直到今次朋友嘅邀請。朋友教識咗我點樣親手整一張地氊，我又加咗自己嘅創意整左一系列手袋。成個過程一個月都唔夠，我地每日留係 studio 趕工超過15個鐘，差唔多要去到度瞓！」
提到早前為一個活動的表演嘉賓擔任服裝設計，她興奮地說:「呢個活動主要係為咗Novel fergus 同 Pet Pet Shawn 重新設計一個品牌嘅表演服裝。自己都覺得幾大壓力，因為唔擅長（設計）男裝，加上係自學，成個過程只有兩個星期，過程好痛苦。但係到最後見到佢哋着住我嘅設計上台，覺得好感動同埋有成功感，仲有『眼濕濕』。」Jamiez 表示新歌製作已到尾聲，五月初就會推出。
