《聲夢傳奇》家族首個音樂綜藝《聲夢1+2》於昨晚30日翡翠台首播。節目主持森美召集《聲夢》兩季畢業生齊齊玩音樂兼玩遊戲，仲會衝出香港玩到去澳門！此外，節目每集均會邀請「Sing」級外援嘉賓，同班《聲夢》畢業生玩到癲！首集内容豐富又爆笑，《聲夢》畢業生分成兩隊大比拼，分別係紅隊嘅 Aska張馳豪、火雞（孫漢霖）、何晉樂 Rock、Felix 林智樂、Desta李茵彤、江廷慧、文凱婷、林沚羿，對戰藍隊嘅 Janees 、潘靜文、侯雋熙、 彭家賢、劉詠彤丶劉芷君、趙小婷及梁芷菁，等。
首集重頭戲落在香港人氣小天后炎明熹身上，Gigi現身澳門同澳門科技大學中樂團合作演出。據知錄影當日氣溫只得7度，但Gigi為咗配合中樂主題，專登以黑色中式露背戰衣上陣，大晒型格風及仙氣，亦突顯 Gigi嘅專業態度！Gigi獻唱劇集 《新聞女王》插曲、中樂版《Crytsal Clear》。
