《相愛萬年》from Selena：
其實係我拍完《金宵大廈2》之後寫左呢首歌。
《金宵》嘅故事比到我好深刻嘅情感、好大嘅感覺。
相信每位音樂人都會明白，當你一有靈感就會好想用樂器去
表達出嚟，就係咁樣寫咗呢一首歌。
首歌係我同表妹一齊寫嘅，佢諗住金宵大廈1嘅愛情
故事去創作，而我就諗住金宵2。 所以《相愛萬年》
對我唻講唔淨只係一首情歌，亦係代表左我在劇中嘅
片段、情感同渴望，係我投入角色時親身的感受。
好感恩可以有機會同大家分享我嘅心底話。而歌詞好開心搵到
大師林若寧寫，我哋都用咗好多時間去溝通，佢優美嘅文字
完全寫到我想表達嘅說話。甚至乎編曲，我同監製譚國政都
來來回回討論過好多次音樂嘅方向。大家都好認真同配合，
務求將我喺劇中既的點滴同情緒用音樂表達出嚟。
今次係施嬅首次參與歌曲創作，
亦係首次有屬於自己既歌曲。
所以好開心搵黎林若寧／古馳／譚國政
一齊參與今次呢個音樂project。