限聚令鬆綁，不少娛樂場所有望在第二輪逐步放寬。不過暫時香港嘅通關日期仍然未有實質日期，本地經濟如果要有爆炸性增長都仲要等多一段時間，呢段期間生意淡博不如賭博，陳百祥（阿叻）亦有幫一間線上遊戲宣傳，財經KOL 曾子晴 (Vivian)亦參與其中，Vivian回想是次拍攝心情相當興奮緊張，更向阿叻取到經。
廣告中除了扮演邦女郎，Vivian更化身秋香，與阿叻（唐伯虎）一起寫毛筆字，Vivian形容有難度：「我唔係成日拍野，今次好開心製作單位找我合作，一知道要著古裝心情非常興奮！原來化古妝一啲都唔簡單，梳頭化妝各要兩人，尤其SET古裝個髮髻，都有半個西瓜咁重，放喺頭上面一段長時間都會有啲重量，條頸會有少少攰，好彩拍咗幾小時就完成，成功鬆綁。化完個妝好靚，覺得自己幾有古典味。」
是次拍攝雖然要轉妝幾次，但未入夜已經順利收工，Vivian就話阿叻非常專業，幾乎2-3 take完成，仲大爆阿叻秘密：「原來阿叻咁多年來都冇近視，佢話原來自己唔鍾意睇手機，另外仲會每日抽半小時以上望出窗口綠色嘅植物，感覺好舒服，建議我每日幾忙都要望多啲遠野，真係好窩心。」
線上廣告至今累計近50萬點擊率，Vivian大感滿意，更希望中港澳盡快通關，人人有工開。